«БАЛА ҚАУІПСІЗДІГІ – БАСТЫ НАЗАРДА!»
Қарасай ауданында «Бала қауіпсіздігі – басты назарда!» атты брифинг өтті
Қарасай аудандық білім бөлімінің ұйымдастыруымен 2025 жылдың 12 маусымында «Бала қауіпсіздігі – басты назарда!» атты маңызды брифинг өткізілді. Бұл шара – ақпарат алмасудан бөлек, 19 маусым күні өтетін мектеп бітіруші түлектерге арналған аттестат табыстау салтанаты қарсаңындағы алдын алу шарасы ретінде өткізілді.
Брифингтің басты мақсаты – мектеп бітіруші түлектердің осы маңызды күнінде қандай да бір қауіпсіздік оқиғаларына тап болмауы үшін алдын ала түсіндіру жұмыстарын жүргізу. Өкінішке қарай, жыл сайын дәл осындай кезеңдерде – соңғы қоңырау, аттестат тапсыру, кешкі серуендер мен мерекелік кештер кезінде – түрлі келеңсіз, тіпті қайғылы оқиғалар тіркеліп жатады. Мұндай оқиғалардың туындауына көбінесе бір сәттік бейқамдық, ата-аналық бақылаудың әлсіреуі мен заң талаптарының бұзылуы себеп болады.
Шара барысында қауіпсіздік талаптары, ата-аналар мен педагогтардың жауапкершілігі, құқық қорғау органдарымен бірлесіп атқарылатын жұмыстар туралы кеңінен түсіндірілді. Брифингке 360 ата-ана офлайн қатысса, 5000-ға жуық ата-ана мен бітіруші түлектер онлайн режимде қосылды.
Білім бөлімі барлық ата-аналар мен мектеп бітірушілерді сақтық шараларын қатаң ұстануға және әр баланың амандығы үшін ортақ жауапкершілік танытуға шақырады!
https://www.instagram.com/reel/DKymKKHzYuG/?igsh=MTV3em1vaWg4MDRmcA==